A maea lau asiasiga, e taua tele le sailiina o iuga o lau suega pap smear.

Manatua e valaau mo iuga o le suega pe a mavae aso e sefulu e lei maua se tali. Aua e te manatu ua lelei iuga o le suega pe a fai e lei maua mai se tala.

A maea vaiaso e lua fesili i le vaai mai e valaau le fale suesue mo iuga o le suega pe a fai e lei maua mai.

E iloiloina le suega pap smear i se ala e taua o le Bethesda Classification System. E maua mai i lenei ala ni faamatalaga e tolu.
1) Pe na lava sele mo le suega: a fai e lei lava sele na koletiina, o le a toe talosagaina nisi.
2) Faatulaga lautele: Ua faatulagaina sele i ni tulaga se lua: "Masani" (normal) poo "Isi" (other).
3) Suesuega: o sele ua faatulagaina o le "isi" e toe faat ulagaina atili, poo se inifeti, fulafula, amataga o le kanesa poo le kanese, etc.

A fai e lelei lau suega pap smear, atonu e le o maua oe i le kanesa o le punialo. Ia mautinoa ua e malamalama i taimi e toe fai ai lau suega e sosoo ai.

A fai e le manuia iuga o lau suega, aua le popole. 0 le suega pap smear o se muai suesuega ma e manaomia nisi suega faaopoopo. E le faapea ua maua oe i le kanesa. Atonu e faaalia mai ai o loo maua oe i se inifeti e mafai ona fofoina e le vaai mai. Pe o le a fesiligia oe e le vaai mai e toe fai nisi suega faaopopo.

O lea ia manatua e fesili:

* O le a iuga le manuia?

* O le a iou lagona i le mafuaaga o ia iuga le manuia? * Ou te manaomia seisi suega pap smear poo seisi suega ese?

* O a fea ma faafefea ona ou faia seisi asiasiga?
* E mafai ona ou mauaina se kopi o iuga o le suega?

Aumai se lisi o nisi lava fesili o loo ia te oe.

A fai e te manaomia seisi suega, fesili i lau vaai mai e tau atu le suega ma faafefea ona e sauni i ai.

A fai e le o se inifeti ua mafua ai ona e maua iuga le manuia, atonu o le a toe siakiina e le vaai mai oe i seisi suega e taua o le colposcopy ma toe koletiina nisi sele mai iou punialo. Pe a talanoaina iuga le manuia, o le a fesoasoani le iai o se uo poo se tagata o iou aiga e manatuaina fesili ma tali uma.

E matua aoga tele le suega pap smear, ae le mafai ona. maua uma ai faaletonu o iou puimanava. A fai e te iloaina se faaletonu, vaai lau vaai mai.

O oe o loo vaaia iou soifua maloloina:

* Faatonuina sau suega o le pap smear i taimi uma o loo fautuaina e le vaai mai.
* Ia e mauaina uma iuga o au suega
* Mulimuli i fautuaga a le vaai mai mo mea e ao ona e fai pe a maea lau suega
* Ia e iloa iou tino ma aua le faatuutuu i faailoga e tatau ona siakiina.