O le suega pap smear o se ala faigofie lea ua faaaogaina e suesue ai le kanesa o le punialo (manava) poo suiga o sele (cells)o le tino e oo ina maua ai le kanesa o le punialo. O le punialo e i le pito a lalo o le manava, e alu atu i le maisi. 0 lenei suega ua tele lona aoga i le faailoaina o muai faailoga o le kanesa o le Funialo, ao faigofie ona fofo lenei faamai. E faailoaina e le suega pap smear le kanesa ma muai faailoga o le faamai ao lei oo ina iloaina pe lagonaina foi e le fafine nisi o auga (symptoms).

Pe a fai e le vave faailaaina le kanesa o le punialo, o le a os i se tulaga matautia. A. sao ona fai, e mafai e le suega pap smear ona faailoa mai faailoga o le faamai e mafai ona fofoina i ni ala faigofie i le ofisa o le fomai.

E faia le suega pap smear i Ie taimi o suesuega o le puimanava (pelvic). E leai se tiga. E.faamava e le forriai poo le teine fomai le maisi a Ie fafine i se meafaigaluega e taua o Ie speculum. E faaaogaina le asi (scraper) e aoina mai ai sele i ie itu i fafo o le punialo, ma se palasi faapitoa mo sele i le itu totonu o le punialo. Ona fofola lea o sele i se tioata laititi (slide) ma faalanuina. Ona tuuina atu lea o lea tioata i se fale suesue (laboratory), e iloilo maeaea ai e se cagata aoaoina faapitoa i lalo o le masini (microscope). E taua le sao ma lelei ona aoina, saunia, ma le suesueina o nei pap smears.

Pe a fai sau suega o le puimanava ma le suega pap smear, o le a fesiligia e le fomai poo le teine fomai oe i ou tausaga ma faalavelave tau tamaitai. Faamolemole ia tuuina atu uma faamatalaga e uiga i iou olaga ma iou soifua maloloina pe a talosagaina. E taua tele nei faamatalaga i le iloiloina o iuga o lau suega.